طبعا زي ما انتو عارفين ان المكرونة بانواعها من اطيب الاكلات السهلة و المحببة
لدى الاطفال و الكبار واشهرها اكيد الباستا الايطالية وبتعتبر المكرونة من الاكلات
الغنية و المفيدة جدا لانها بتحتوي على الكتير من الكربوهيدات المهمة لاجسامنا
و بتتعمل المكرونة اكتر من طريقة و انا هقولك على وصفة سهلة وبسيطة بالصلصة
الحمرا و مكونتها متوفره عندك في بيتك وكتير من الستات مبيعرفوش يعملوها
و بتطلع معاهم معجنة خالص وانا هقولك ازاي تعمليها اول حاجة بتجهزيها
المكونات هتجيبي كيس مكرونة بالشكل اللي انتي حاباه و لو هتعملي كمية
زودي و هتجيبي نص كيلو طماطم و تجيبي ملعقة صلصلة كبيرة و بابريكا علشان
تديكي لون احمر رهيب و بصلتين صغيرتين و فصين توم و شويه زيت و رشه فلفل
اسود و رشة ملح كده جهزنا المكونات نيجي بقى ازاي تعمليها اول حاجة هتجيبي
حلة و تمليها نصها مية وتحطيها على النار هادية لحد ما تغلي وبعدها تفضي كيس
المكرونة عليها بس قبلها تحطي على المية و هي بتغلي ملعقة صغيرة زيت و بعدها
تفضي المكرونة و الزيت بنحطه على المية علشان مش تلزق المكرونه و تعجن وبعد لما
تنسلق المكرونة نصفي المكرونة من المية في المصفى و نغسلها بالميه البارده و هي
في المصفى علشان مش تعجن معاكي بعدها هتفرمي الطماطم و البصلة مع بعض في
الخلاط و تجيبي حلة تانيه و تحطي شوية زيت و تحمري الفصين توم و البصلة التانية
و تقطعيهم قطع صغيرة و لما يتحمرو هضيفي الصلصلة اللي فرمتيها في الخلاط و
تحطي بقى البهارات بتاعتك و الملح و الفلفل و هضيفي ملعقة الصلصة و البابريكا
وتقلبي كويس كله مع بعض و تسبيها لحد ما تتسبك خالص بعدها تجيبي المكرونة
اللي انت سلقتيها و تكبيها عليها وتقلبيها لمده خمس دقايق على نار هادية خالص
و دلوقتي طبق المكرونة الحمرا جاهزة و بالهنا و الشفا .
طريقة عمل المكرونة الحمراء
حضري اطيب وصفة للباستا بالصلصة الحمراء سهلة و سريعة
طرق عمل مكرونة حمراء
