مين فينا مش بيحب الفراخ المشويه على الفحم وبالذات الاطفال بيحبوا ياكلوها من برة بسبب
طعمها الخطير انا بقا هقولك على سر الخلطه اللى بيعملها الحاتى و بيخلى اولادك يحبوا
طعمها اوى كدة ومش هتشتريها من برة تانى و هتعمليها فى البيت علطول
المقادير :فرخة كاملة بيضة كيلو ونصف
للتتبيلة :
كوب ماء بصل
ربع كوب عصير ليمون
ربع كوب زيت
2 ملعقة كبيرة كاتشب
ملعقة كبيرة زعتر
ملعقة كبيرة كزبرة ناشفة
ملعقة كبيرة ثوم بودر
ملعقة كبيرة بصل بودر
ملعقة كبيرة ملح
ملعقة صغيرة كركم
ملعقة صغيرة مكبابة صيني
ملعقة صغيرة شطة
ملعقة صغيرة سكر
الطريقة :
1- في بولة هنزل ماء البصل والليمون والزيت
وكل التوابل المزكورة والملح والفلفل واقلبهم مع بعض واخلي الملح يدوب تماما
.
2- هتجيبي الفرخة تغسليها كويس اوي وتنقعيها في مية وخل 10دقايق
وتصفيها وتقصي سلسلة الضهر بالرقية ومن عند الصدر علي بلنشة وبالمدق
وتدقيها وبالسكينة اعمللها فتحات وببوز السكينة واغرزيها في كل الفرخة من الصدر والاوراك .
3- نزلي الفرخة في التتبيلة وغطيها ودخليها التلاجة ليلة كاملة
وفي صنية فرن نزلي الفرخة وغطيها بالفويل دخليها علي اعلا درجة حرارة علي الارضية
ربع ساعة او اول متغلي طلعيها ع الشبكة وهدي النار وسبيها تستوي براتها خالص
واخيرا شيلي الفويل وسبيها تاخد تحميرة من ع الوش
ولو هتشويها ع الشواية بنفس الطريقة بس المهم الشواية تكون بعيده عن الفحم عشان تستوي
براحتها ومتخدش لون وهيا لسة مستوتش .
