الفشة والطحال طبعا كلنا عارفين أن الطبخ دة أذواق وكلنا اتعودنا علي طرق
معينة ومبنعرفش نغيرها بس من خلالي هتشوفي العجب وهتجربيه وهيعجبك جدا
انهاردة جيبالكم معايا طريقة روعة جدا للفشة والطحال هتاكلوا صوابعكم وراه
اولا هنقطعها التقطيع اللي بنحبه واللي بنفضله دة طبعا بعد ما نغسلها كويس جدا
وهنشوح بصلتين مفرومين هنشوحها لمدة دقيقة بعد كدة هنضيف الفشة والطحال
علي البصلة ونقلبهم شوية ونحط عليهم التوابل قرفة وجنزبيل وكابابا صيني
وبصل بودر وتوم بودر وفلفل اسود ولو في توابل لحمة كمان حطي وقلبيهم شوية
وننزل بحبة توم صغيرة وتقبلهم وبعدها نقطع فلفل رومي الوان قطع صغيرة
واتنين طماطم مقطعه مكعبات صغيره ونحط حبه خل صغيرة ونقلبهم ودقيقة
بالظبط ونطفي النار ونقدمها بالف هنا وطعمها لذيذ جدا وتحفة وتسلم ايدك
طريقة عمل الفشة والطحال
اجمد طريقة لاحلي ست بيت
طرق عمل فشة وطحال
