الفراخ المشوية زي الحاتي , هقولك على اسرار و تكات الفراخ المشويه كانك شرياها من برة

مين فينا مش بيحب الفراخ المشوية علي الفحم و بالذات الاطفال بيحبوا ياكلوها من بره بسبب طعمها الخطير انا بقا هقولك علي سر الخلطة اللي بيعملها الحاتي و بيخلي اولادك يحبوا طعمها اوي كده و مش هتشتريها من بره تاني و هتعمليها فالبيت علطول

المقادير :فرخه كامله بيضه كيلو و نصف


للتتبيله :


كوب ماء بصل


ربع كاس عصير ليمون


ربع كاس زيت


2 معلقه كبيره كاتشب


ملعقه كبيره زعتر


ملعقه كبيره كزبره ناشفة


ملعقه كبيره ثوم بودر


ملعقه كبيره بصل بودر


ملعقه كبيره ملح


ملعقه صغيره كركم


ملعقه صغيره مكبابه صيني


ملعقه صغيره شطة


ملعقه صغيره سكر

الكيفية :


1- فبوله هنزل ماء البصل و الليمون و الزيت

وكل التوابل المزكوره و الملح و الفلفل و اقلبهم مع بعض و اخلى الملح يدوب تماما

.


2- هتجيبى الفرخه تغسليها كويس اوى و تنقعيها فميه و خل 10دقايق

وتصفيها و تقصى سلسله الضهر بالرقيه و من عند الصدر على بلنشه و بالمدق

وتدقيها و بالسكينه اعمللها فتحات و ببوز السكينه و اغرزيها فكل الفرخه من الصدر و الاوراك .

3- نزلى الفرخه فالتتبيله و غطيها و دخليها التلاجه ليله كاملة

وفى صنيه فرن نزلى الفرخه و غطيها بالفويل دخليها على اعلا درجه حراره على الارضية

ربع ساعه او اول متغلى طلعيها على الشبكه و هدى النار و سبيها تستوى براتها خالص

واخيرا شيلى الفويل و سبيها تاخد تحميره من على الوش

ولو هتشويها على الشوايه بنفس الكيفية بس المهم الشوايه تكون بعيدة عن الفحم عشان تستوى براحتها و متخدش لون و هيا لسه مستوتش .