النهارده هقولكم على وصفه جميله جدا جدا بتنعم الشعر وتكثفه وتطويله وكمان
بتديله لمعان وبتطريه وتمنع التساقط منه يعني وصفه بجد انا على طول بعملها
دايما مره كل اسبوع وهي بطريقه سهله جدا بصراحه يعني و هتجيب من الاخر
هنجيب موزه و كوبايه ميه و معلقه نشا ومعلقه زيت جوز هند ومعلقه زيت
خروع و معلقه زيت زيتون ولو حبين تضيفوا زيوت كمان انتوا بتحبوها مفيهاش
اي مشكله وبعدين نحطهم على بعض ونحطهم فى الخلاط ونضربهم كويس جدا
مع بعض ويبقى قوامهم واحد ونحطهم ونفردهم على الشعر وبعد كده هنسرح
الشعر بالمشط ونعمله كحكة صغيره بس وبعد كده هنسيبه ملفوف بطرحة
من بالليل للصبح هنفكه الصبح ونغسله ونحط البلسم المفضل بتاعنا وعن تجربتي
الشخصيه بيخلي الشعر وهم وناعم جدا و مفرود ومش هاتحسي باي تاثير ضار ابدا
بالعكس هتشوفوا الفرق وكمان لما تقرروها هتحسوا اد أية هي بتعالج الشعر
هي وصفه جميله جدا وما فيهاش منها خوف ولا قلق كلها حاجات طبيعيه جدا