في كتير من الحلويات المحببة الينا و دايما بنفضل نعملها
كتير جدا و اللي مبتاخدتش مننا اي مجهود و مش مكلفة
خالص اللي هي كيك بالحليب المحموس و دي تعتبر من
الحلويات الطيبة جدا و الذيذة و السهلة البسيطة و انا
انا جبتلك طريقة سهلة جدا للكيكة دي و لا اروع و عن
تجربة فعلا اول حاجة المكونات اللي هي كوبايتين من
الحليب و علبة قشطة و نص كوباية زيت و نص كوباية
سكر و ملعقة كبيرة من البيكنج باودر و كوبايتين من
الدقيق و تلات بيضات و شوية فانيليا نيجي بقى للصوص
علشان تعمليه تجيبي ست حبيات من الجبنة المثلثات
اي نوع تجيبيه و الحليب المكثف و علشان تزيني اي
مكسرات او بشور جوزهند نيجي بقى تعمليه ازاي قبل ما
نبدأ نعمل الكيك المحموس جهزي الصوص اخلطي الحليب
المكثف مع الجبنة و اخلطيهم كويس و سبيه على جنب اما
طريقة عمل الكيكة تجيبي الزيت و القشطة و السكر و الفانيليا
و البيض و تخلطيهم كل المكونات دي في الخلاط كويس جدا بعد
كده اغلي الحليب لحد ما يغمق لون بني كده بعدها ضيفي الحليب
ده مع البيكنج باودر مع المكونات التانية و اخلطيهم كويس بعد ما تخلطيهم
ضيفي بقى الدقيق بالتدريج مع التقليب المستمر لحد ما تكون العجينة
سايلة شوية تجيبي صينية الفرن و تدهينيها شوية زيت و تصبي الخليط
على الصينة و دخليها الفرن و تسبيها لحد ما تستوي و لما تبرد زينيها
بالصوصو رشي عليها المكسرات او جوزالهند اللي متوفر عندك و بالهنا و الشفا .
كيك بالحليب المحموس
حضري أطيب كيك بالحليب المحموس و لا أروع سهلة و بسيطة
كيكة حليب محموس
