الزر باللبن من احلي واشهر اصناف الحلويات في مصر والوطن العربي وهو
من الحلويات اللي تنفع سخنه في فصل الشتاء فبتدفي جدا وكمان تنفع
بارده في فصل الصيف وطريقه عمل الرز بلبن اسهل منها مفيش اولا هتجيبي
لتر لبن حليب يعني ويكون كامل الدسم وهتغسلي نصف كوب ارز مصري ولازم
الرز يكون مصري لان بيكون فيه نشا اكتر من البسمتي ونحطهم علي اللبن ونحليه
بالسكر حسب رغبتنا وكمان شويه فانيليا ونسيبهم لما الرز يستوي كويس علي نار
هاديه ولما الرز يستوي هنقلب معلقه نشا في نصف كوب لبن ونضيفهم للخليط وكمان
نقلب معلقتين كريمه خام علي نصف كوب لبن ودي اختاري لزياده الطعم بس وممكن
تستغني عن الكريمه ونضيفهم ونقلب ونصبهم في الاطباق ونزينه حسب الرغبه