المخللات من الحجات المهمه جدا جنب الاكل والمخللات منها انواع كتير
في الزتون وفي الخيار والكرنب والبصل والفلفل والجزر واللمون ويمكن عمل
مخلل مشكل مع بعضه وفي انواع كتير للمخلل في المخلل العادي اللي
بنستخدم فيه ملح وماء بس وفي المخلل السريع لو احنا مستعجلين عليه
ولعمل مخلل الجزر هنحتاج نصف كيلو جزر متقطع حلقات او اصابع الشكل اللي
تحبيه وهنعمل محلول التخليل وهو ماء ولكل كوب ماء هنحط معلقه كبيره ملح
ومعلقتين خل وهنقلب مع بعضه وهنحط الجزر في برطمان نضيف ومتعقم ومعاه
كام فص توم وممكن نحط فلفل اسود سليم او ورق غار ودول اختياري ونصب
المحلول عليه لنهايه البرطمان وعلي الوش نرش رشه زيت زيتون