كتير من الستات بتهتم بشكلها بإتباع أساليب كتير و أهمها المكياج ، لانه بيزيدها جمال
و جاذبية و زي ما كل الستات عارفه
انه مصدر جاذبيتها هوا عيونها فبتحاول دايما تجرب و تتبع طرق كتير تحاول بيها تبرز
جمال عيونها من حيث تكبير العيون
أو إخفاء العيوب اللي بتبقى موجودة عند معظم الستات زي تكون طبقة سودة تحت العيون
مع وجود تجاعيد و ده نتيجة
التعب و الارهاق و السهر او حتى سوء التغذية ، بس في التقرير ده هنحاول
نساعدك انك تحافظي على جمال عيونك
بإستخدام حيل بسيطة بالمكياج تميزك عن الباقي : من أدوات التجميل اللي بتساعدنا بإننا نداري
السواد هوا الكونتور
أو ممكن نستخدم الكونسيلر كبديل ليه من خلال وضع طبقة تحت جفن العيون السفلي و
ندمجه بإستخدام
فرشة و يكون سنها رفيع علشان تسهل العملية و تديكي بياض طبيعي و ممكن نحدد
بيه العيون
علشان نخفي بيه العروق اللي بتبان في العيون و بتديكي عمر اكبر .
ثانيا الحواجب اللي هيا أساس جمال العيون اللي معظم الستات بتسيء في رسمها ، فكل
اللي عليكي
انك تستخدمي قلم تحديد للحاجب ملائم للون بشرتك و شعرك تحددي بيه حول الحاجب و
بين الفراغات و بعدها
نستخدم فرشة ماسكرا قديمه و نسرح بيها شعر الحاجب بطريقة منتظمة من تحت لفوق .
رسمة الآيلاينر اللي بتاخد مننا مجهود علشان نرسمها صح و علشان نسهلها عليكي استخدمي لزق
شفاف و حطيه
على طرف العين بزاوية جانبية و بعديها ترسمي الرسمة اللي تناسب عيونك و الافضل لو
نبدأ من نص الجفن
و نرسم و دايما خدي بالك و انتي بتشيلي اللزق من تحت لفوق علشان بواقي
الآيلاينر متسيبش أثر .
الماسكارا من الأساسيات المهمة اللي بتخلي الرموش طويلة و كثيفة و لكن البعض من الستات
بيفضل استخدام الرموش الصناعية و لكن مع الحيلة دي هتديكي بديل ليها و هيا انك
تحطي طبقتين من الماسكارا
على الرموش بطريقة موجية .
صور مكياج عيون روعه
احصلي على عيون جذابة بحيل مكياجية بسيطة
صورة مكياج عين روعة
