من الحلويات السهلة جدا والمناسبة لشرب الشاي هي الكيك وعشان نعمله هنحتاج
٣بيضات في الخلاط مع معلقه فانيليا مع كوب ونص سكر و تلات اربع كوب زيت
وكوب
وربع لبن ومعلقه خل ونخلط كله مع بعضه وبعدين ننخل تلات كوبايات دقيق كيس بيكنج
بودر ونضيف عليه الخليط ونقلب ونصبه في صينيه مدهونة زيت ونحطه في فرن مسبق
التسخين لمده نص ساعه ويقدم مع الشاي وممكن نعمل بسكوت سهل ولذيذ جدا وهي
في بوله هنخلط كوب ونص دقيق مع معلقه بيكنج بودر ونص معلقه ملح وهنخفق بالمضرب
الكهربا ١٢معلقه زبده ونضيف السكر تدريجيا وبعدين نحط بيضه واحده وفانيليا وبعدين هنحط
الدقيق ونضيف نص كوب لبن تدريجي لحتي تكون عجينه متماسكه وتسيبها ترتاح في التلاجه
بعدين نفردها بالنشابه ونقطعها بأشكال البسكوت وترص في الصينيه وتدخل التلاجه وبعدين
نحطها في الفرن ربع ساعه لتستوي وتقدم مع الشاي